Ein del folk er vell litt nysgjerrige og intressert i kva livet på sjøen har å by på og kordan ein kan begynne å jobbe på sjø. Så no skal eg fortelle det eg gjorde og mine opplevingar på båten Island Constructor.

Frå rundt 10. klasse hadde eg bestemt meg for å bli stuert eller første kokk på plattform eller båt. Eg fullførte skulen og begynte læretida mi på Alexandra hotell i Loen. I det læreprogrammet eg tar så jobbar ein halve praksistida si på eit hotell og resten på Constructor. Men før eg kunne komme ombord så måtte eg ta to kurs som heiter IMO 60 og Helivelt, noko som er minstekravet for å jobbe på ein båt. På IMO 60 kurset lærte eg ein del teori om røykdykking, førstehjelp og HMS (Helse, miljø og sikkerheit), og fekk praktisere dette. Men det mest spennande og gøyaste var helivelten. Der simulerte dei eit helikopter som må nødlande på sjøen, og viste oss kordan vi må komme oss ut. Vi fekk prøve redningsdraktene og alt mulig spennande utstyr! Eg storkoste meg, men var utrulig sliten etter kurset som eg tok ved Nosefo i Bergen.

Første gangen eg kom ombord båten var eg ganske nervøs. Det var mange nye folk og mykje å sette seg inn i. Men eg vart teken inn i gjengen med opne armar, og eg elskar jobben min. Eg grur meg allerede til siste turen min i September, og håpar at eg seinare kan få jobbe med denne fantastiske gjengen.

Denne dagen starta tidleg med forbereding og faktaopplysningsmøte med Svein Magne Tenfjord ved Island Offshore. Vi snakka litt om kordan denne ordninga starta og kvifor den blei oppretta, før vi hadde eit intervju med Joar Ødegård frå Herøynytt. 

I dag så har Island offshore 8 læreplassar med denne ordninga der dei tek opp 4 nye lærlingar kvart år. Lærlingane kjem ombord Island Constructor som er ein båt som er klassifisert som avansert flyttbar innretning, og dermed har ordninga med 2 veker ombord og 4 veker fri. Ein jobbar 50/50 på land og på sjøen. Hotella som Island Offshore har eit samarbeid med er Knutholmen AS, Alexandra hotell Loen og Quality hotell Sogndal. Orginalt så var denne ordninga berre eit prøve prosjekt, men som har vist seg å verte ganske populær og eit tiltrekkande tilbud for dei som skal søke læreplass. Det fine med denne ordninga er at ein får opplæring både på sjø og på land, ein får det beste av to retningar og fleire kontakter og referansar for jobb seinare i livet. Ein kan bli ein veldig attraktiv arbeidar innen kokkeyrket. Og før ein dreg ut på sjøen så er der folk som sørgar for at du har alle dei nødvendige kursa på plass. Nemlig helivelt, imo 60 og OLF kurs, som også er minstekravet for å jobbe på båt. Ein annan muligheit denne ordninga tilbyr er muligheita til å jobbe 1-2 mnd i anten Murcia i Spania eller La Rochelle i Frankrike på eit Leonardo stipend. 

Denne erfaringa for meg har vert heilt fantastisk. Eg er sjølv med på denne ordninga og vil gjerne opplyse andre som skal ta ei utdanning innen kokkeyrket å prøve ut dette programmet. 

Sjekke ut artikkelen her: 

http://heroynytt.no/nyhet.cfm?nyhetid=6079

Resten av dagen har gått til fleire møter og telefonar på evig leiting etter nye oppdrag og sponsorar. Ønsk meg lykke til!